Transcription
1
Monsegneur, nous savons seullement aujourdhuy receu votre depeche
2
du XVIIe du present qui a tardé beaucoup puys larrivée du sieur de
3
Belley que fut le XXIIIIe, car, en prenant leau à Rouenne, il
4
laissa courir votredite depeche par terre. Je vous addresse ma
5
depeche à messieurs du pays par la voye la plus brefve pour
6
lasseurance que le sieur de Sobiras, present pourteur, nous a donné
7
d’estre devers vous dans six jours. Il vous pourra dire comment,
8
ayant esté depeché il y a plus de huict iours, il a esté mandé
9
pour revenir et quil r’apporte depeche contraire à la sienne première.
10
Je laisse la depeche à messieurs du pays ouverte afin que vous
11
voyés ce que ie leur escris pour me decharger de vous faire une
12
autre lettre, encor aussi longue. Monsieur d’Evènes ne vous escrira
13
pas presentement. Il a gaigné en fin ce poinct par sa poine
14
et diligente solicitation que lon vous assignera de la somme de
15
dix mil livres sur les deniers de lalienation du domaine pour
16
payement de voz arrerages de votre estat. Il vous en sera encor deus
17
sur les cer[ti]fications que iay en main XV ou XVIII c[ent] L. ts., et que votre
18
companie fera monstre sur lesdits deniers pour le quartier doctobre
19
dernier. Il na peu gaigner le mesme poinct pour la companie
20
de monsegneur de Nemours, pource quelle se treuve avoir faict
21
monstre pour ledit quartier, de quoy nous sommes bien marris. On a
22
faict ung noveau despartement de la gendarmerie et ne laisse
23
on dans votre gouvernement, iusques que plus grandes forces soint
24
prestes pour la guerre, que les companies de monsegneur le gouverneur
25
et la votre. Je ne vous rediray pas ce quest contenu en ma lettre à
26
messieurs du pays. Monsegneur le duc a esté faict chef du Conseil,
27
mais non encor lieutenant général. Monsieur d’Ambrun vous escrit. Il
28
entre ordinairement au conseil qui se tient en la salle du roy.
29
Je vous ay envoyé votre brevet pour les V m[ille] L. ts. Il vous doibt
30
suffire de les prendre à la forme que ie vous ay escrit.
31
Je presente mes humbles recommandations à votre bonne grace et
32
Prie Dieu,
33
monsegneur, vous donner très longue et heureuse vie.
34
De Poissy, ce XXXe janvier 1574
35
Votre très humble serviteur
36
So de boczosel